ජයග්‍රහණයේ රහස


1509824_686440654747970_1548254091_nජයග්‍රහණයට පියවරු රාශියකි. පරාජය හැම විටම පාහේ අවජාතක ය.

ජයග්‍රහණය ප්‍රීති ජනක ය. එය කොතරම් ද යත් දැක ගන්නට ඊයේ අවසන් වූ 20-20 ලෝක කුසලාන ජයෙන් අප උද්දාමයට පත් වූ ආකාරය පමණක් සෑහේ. කණ්ඩායම පමණක් නොව ලංකාවේ ජනතාව ද මහ රෑ වීදී පුරා කෑගසමින් ඔල්වරසන් දුන් අයුරු අපි දුටුවෙමු.

ඊට ප්‍රතිපක්ෂව ඉන්දියා කණ්ඩායමේ හැසිරීම පරාජය කොතරම් කටුක ද යන්නට අපට පෙන්වා දුන්නේ ය. තරගාවලියේ වීරයා වූ ද තරගයේ වැඩිම ලකුණු ගණනකට හිමිකම් කිවූ ද විනෝද් කෝලි පවා පසු වූයේ පසුතැවිල්ලකිනි.

ජයග්‍රහණයේ ප්‍රීතිය සමරණ බොහෝ දෙනෙකු නොසිතන කාරණය වන්නේ එය ලැබිය හැක්කේ දුෂ්කර ක්‍රියා සමයකින් පසු බව ය.

ඒ සදහා කුසලතා අවශ්‍ය ය. අචල ධෛර්ය හා නොවෙනස් විශ්වාසය අවශ්‍ය ය. උපාය මාර්ගික දක්ෂතා අවශ්‍ය ය. නිසි පුහුණුව හා සම්පත් අවශ්‍ය ය. සර්ව ආංශික දක්ෂතාවයකින් යුත් කණ්ඩායමක් තිබීම අවශ්‍ය ය. ඔවුන් තුළ දක්ෂතා වලට අමතරව කණ්ඩායම් හැගීම තිබීම අවශ්‍ය ය. කණ්ඩායම වෙනුවෙන් තම දායකත්වය සැපයීම මෙන්ම අවශ්‍ය විටෙක පෞද්ගලික ජය පරදුවට තබන පරිත්‍යාගශීලිත්වය අවශ්‍ය ය.

එවැන්නක් අැති කළ හැක්කේ අචල ප්‍රතිපත්තියක පිහිටන නායකත්වයකට ය. ප්‍රතිපත්ති අචල වුව ද උපාය මාර්ගිකව නම්‍යශීලී වීමට සමත් නායකත්වයකට ය. මිනිසුන් නම්‍යශීලීවීම සම්බන්ධයෙන් උරණ නොවනු ඇත්තේ නායකයා අචල ප්‍රතිපත්තියක පිහිටන විට ය. නායකයා පරිත්‍යාගශීලීත්වය පෙන්වන සංකේතයක් වන විට ය. කණ්ඩායමේ අරමුණ ජය ගැනීම අන් සියල්ලට වඩා ඉහලින් තබන විට ය. කණ්ඩායමට දායක වන්නන්ට නිසි ගෞරවය අත් කර දීමට කටයුතු කරන විට ය. නිල නායකයා නායක කම ඔලුවට නොගත් විටක ය. නායකත්වය පිළේ සෙසු අය සමග බෙදා ගත් විට ය. ජයෙන් ඔලුව උදුම්මා ගෙන හිතුවක් කිරීමට කටයුතු නොකළ විට ය. කණ්ඩායම තමන්ගේ හිතවතුන්ගෙන් හා මිත්‍රයන්ගෙන් නොව දක්ෂතා ඇති අයගෙන් පුරවන්නට කටයුතු කළ විට ය. ජේෂ්ඨයින් කල් ඉකුත්ව ගිය විට නව පරපුරට ඉඩ සළසමින් ඉවත් වන්නට කටයුතු කළ විට ය.

ක්‍රිකට් ජයට ශක්තිය දක්ෂතාවය පමණක් නොව නායකත්වය ද ප්‍රමාණවත් නොවේ. ඒ සදහා වාසනා ගුණයක් ද අවශ්‍ය ය. එහෙත් ඒ දෙක නැතිව නම් වාසනාවට කළ හැකි දෙයක් නැත.

එතරම් දක්ෂ නැති හැකියාවෙන් අඩු කණ්ඩායමක් පවා වාසනාව නිසා වරක් දෙකක් ජයග්‍රහණය ලබා ගැනීමට පුලුවන. එහෙත් එය නිරන්තරයෙන් ලැබෙන ජයකට පත් කර ගැනීමට අප කලින් දැක්වූ තව බොහෝ දේ අවශ්‍ය ය.

අපේ ජීවිතය ද ඊට වඩා වෙනස් නැත. ක්‍රිකට් ජය සමරනවාට අමතරව ඒ තුළින් උගන්නට ද උත්සහ කරමු. අපේ ජීවිතය ජය ගත හැක්කේ එසේ කළොත් පමණකි. රටක් ලෙස අපට ජය ගත හැක්කේ ද එසේ උගන්නට උනන්දු වීමෙනි.

සටහන අවසන් කිරීමට පෙර තව එක් කරුණක් ගැන ඔබේ අවධානය යොමු කිරීමට මම කැමැත්තෙමි. ඒ ක්‍රිකට් ක්ෂේත්‍රයේ අප දක්වන දස්කම් වෙනත් ක්ෂෙත්‍රවල එපමණින්ම දැක්වීමට අපට නොහැකි ව ඇත්තේ ඇයි ද යන්න ය. එය වඩාත් දැඩිව අපේ අවධානයට ලක් විය යුතු කාරණයකි.

Advertisements

7 thoughts on “ජයග්‍රහණයේ රහස

  1. මම මේ කරුණු ගැන ටිකක් වෙනස් විදියකටත් හිතනව. 1. අපේ රටේ ආර්ථික වර්ධන වේගය 7-8% වගේ තියෙන්නෙ. ඒ කියන්නෙ අපි ඉන්නෙ උග්‍ර තරගයක. ආචාරධර්ම පිලිබඳ හිතන්න අපට ආදර්ශයන් නෑ. (රටේ නායකයගෙ වසරක වියදම රු කෝටි 850 ට වැඩී. අමාත්ය මණ්ඩලය 100ට වැඩී. සැහැල්ලු පැවතුම් තිබිය යුතු ආගමික නායකයො මාලිගා හදනවා. ආචාර ධර්ම නැති තරඟයක්) එතකොට පොත් වල මොනව තිබුනත් පොලවෙ සිද්ධවෙන්නෙ මොකක්ද.? අපි පුද්ගල විනෝදය(නිවැරදිම වචනය “ආතල් ගැනීම”) සඳහා සියල්ල භාවිත කරනවා. ක්‍රිකට් කුසලානයත් එහි එක සිදුවීමක් විතරයි. ඒ හැර ක්‍රීඩාවෙ වටිනාකම් සහ පුරුෂාර්ථ වර්ධනය ගැන අපිට කතා කරන්න බෑ. ඒක ආතල් එකට අදාල නෑ. දුකයි. ඒත් ඇත්ත ඒක නේද?

  2. ක්‍රිකට් කියන්නෙ පුද්ගලිකව ක්‍රීඩකයින්ට වාසි ලැබන අවස්ථාවක්. ක්‍රීඩකයින් වගේම ක්‍රීඩාව මත යැපෙන බොහෝ දෙනා කෙලින්ම ජයග්‍රහනය මත රඳාපවතිනවා.. ඒ කියන්නෙ ලංකාව මැච් පැරදුන දාක අනාත වෙන්නෙ ක්‍රිඩකයින් විතරක්ම නෙමෙයි..
    ඒ නිසා තීරණ ගැනීම් වලදි ඇතිවෙන බලපෑම් ආදිය ඉතාමත් නරක අඩියකට යන්න කලින් ඔක්කොමල්ල එකතුවෙලා විසඳුම් හොයන්න උත්සාහයක් ගන්නවා..

  3. ක්‍රිකට් ජයග්‍රහණයට “වාසනාව” කියන එක නම් බලපානවා කියල මම හිතන්නේ නැහැ. (වාසනාව සහ අවාසනාව ගැන කියවෙන මහලු මිනිසා සහ අශ්වයා කතාව අහල ඇතිනේ)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s