ප්‍රතිඵලය යහපත් නම් ඒ සදහා ගන්නා මාර්ගය කුමක් වුවත් කමක් නැති ද?


අවසානය යහපත් නම් එය ලගා කර ගන්නේ කෙසේ ද යන්න ගැන කරදර විය යුතු නැතැයි බොහෝ දෙනා සිතති. බැලු බැල්මට අදහසට එකග විය හැකි ය. වඩා වැදගත් ප්‍රතිඵලය නිසා ය. අප සියල්ල කරන්නේ අවසානයේ ඒ සදහා නිසා ය.

කළමනාකරුවෙකුගේ මූලික වගකීම සිය ආයෝජකයාගේ ආයෝජනයට උපරිම ප්‍රතිලාභය අත්කර දීම ය. ඒ සදහා කුමක් කළ ද කමක් නැති ද?

ප්‍රශ්නය එසේ නිශ්චය ලෙස මතු කළ කල බොහෝ දෙනෙකු වෙනත් පිළිතුරක් දෙන්නට ඉඩ තිබේ.

කොහොමටත් බොහෝ දෙනෙක් බිස්නස් කාරයන්ට කැමති නැත. ඒ නිසාම ආයෝජකයන්ගේ ලාභය උපරිම කරනු වස් ඕනෑම දෙයක් කළ හැකිය යන්නට සහජ විරෝධයක් ඒ අයට ඇතිවන්නට පුලුවන.

එසේ කියන අයම වැරදි රජයක් පෙරලීම උදෙසා කරන්නාවූ විප්ලවයක් හිංසාවාදී වූවාට කමක් නැතැයි කියන්නට පවා පෙළඹෙන්නට පුලුවන.

එයින් පෙනී යන්නේ එකම ප්‍රශ්නයට සන්දර්භ දෙකක උත්තර දෙකක් පවතින බව ද? වැරදි රජයක් පෙරලීම හොද දෙයක් නිසා හිංසනය භාවිතා කිරීම වැරදි නැතැයි කියන අය ආයෝජකයාගේ ලාභය උපරිම කර ගැනීම සදහා ඕනෑම දෙයක් කළ නොහැකි යයි කියන්නේ කෙසේ ද?

ඒ එකක් පොදු යහපත පිණිස වන නිසාත් අනෙක පුද්ගලික වාසිය පිණිස වන නිසාත් යයි කෙනෙකුට තර්ක කරන්නට පිළිවන.

අප නම් කියන්නේ මේ දෙකම වැරදි බව ය.

ප්‍රතිඵලය තරමටම එය අයත් කරගන්නා මාර්ගය ද යහපත් විය යුතු ය. අයහපත් මගකින් ඉලක්කයක් ලගා කර ගත්තත් යහපත් අවසානයක් ඇති කළ නොහැකි ය.

ඒ සදහා එක් උදාහරණයක් ඉදිරිපත් කිරීමට කැමැත්තෙමි. අපට කණ්ඩායමක් ලෙස අයත් කරගන්නට ඉලක්කයක් තිබේ. කණ්ඩායමේ එක් අයෙක් අන් අය ගැන තැකීමක් නොකොට තමන්ගේ වෙහෙසින් ඒ ඉලක්කය ඉටු කරදීමට කටයුතු කරයි. ඉලක්කය ඔහුගේ තනි මැදිහත්වීමෙන්ම ඉටු කරගත් බව සැබෑය. එතෙකුදු ඉතිරි වන්නේ කණ්ඩායම් හැගීම මෝදු නොවු තනි පුද්ගලයෙක් ඉස්මතුව තනිව ලද ජයකි. එය කණ්ඩායමේ අභිවෘද්ධිය පිණිස නොවෙයි. ඊළග අභියෝගයට මුහුණ දීමට කණ්ඩායමට සිදුවූ විට මුදුනා වෙන්නට ගිය එකාටම කරගන්නට යැයි කියා සෙසු අය  කර අරින්නට පුලුවන. එහෙත් හැමට දායකත්වයට ඉඩක් තිබුනා නම් කණ්ඩායම් හැගීම මතු ව ඉදිරියේදී අභියෝගවලට ද මුහුණ දිය හැකි වනු පිණිස කණ්ඩායම ගොඩ නැගෙන්නට පුලුවන. ඉලක්කය මදක් පමා වුව ද දිගුකාලීනව කණ්ඩායමට ඉන් වඩා වටිනාකමක් ඇති වෙයි.

ඔබ මීට වෙනස් අස්ථානයක් දරන්නේ නම් ඒ සදහා ඔබ සතුව ඇති උදාහරණයක් දෙනු ඇතැයි අපි අපේක්ෂා කරමු. එවිට නිවැරදි කුමන අස්ථානය දැයි සොයනු පිණිස සංවාදයක් අරඹනු හැකි ය.

ඒ නිසා එවැනි සංවාදයකට විවෘත කරමින් සටහන අවසන් කරන්නෙමි.

Advertisements

6 thoughts on “ප්‍රතිඵලය යහපත් නම් ඒ සදහා ගන්නා මාර්ගය කුමක් වුවත් කමක් නැති ද?

  1. මැනේජ්මන්ට් හොදයි බට් මිනිස්සු ඕව හිතට ගන්නෙ නම් නැහැ ලංකාවෙ අය..

    • මම බලාපොරොත්තු අත් ඇරල නෑ. අත් අරින්නෙත් නෑ. බටහිර රටවල් පවා ඉතා නොදියුණු ස්ථාවරවල ඉදල ටික ටික ඉදිරියට ඇවිත් තියෙන්නෙ. ඒ රටවල් පවා තවමත් අංගසම්පූර්න නැහැ. ටිකෙන් ටික එකතු වෙල කොහොම හරි ඉදිරියට තල්ලු කරගමු.

      • මමත් බලාපොරොත්තු අත් හරින්නෙ නැහැ!!! යහපත් මාර්ගයකින් යහපත් ඉලක්ක කරා යන්නට නිති වෙහෙසෙමි. අභියෝගයන් ජයගන්නට වෙහෙසන අය හැමදා සිටිනු ඇති නිසා, මම යනු, යහපත් ලෙසින් ඉලක්කයෙන් ඉලක්කය ජයගන්නට යහපත් මාර්ගයක ගමන් කරන මිනිස් සංහතියට මගේ ජීවිතය තියෙන ටික කාලයට විතරක් එකතු වෙන්නෙක් කියල හිතන්න කැමතියි.

  2. Thushara says:

    When we follow unacceptable means we can achieve fast results. Still, they may not be lasting. When we follow acceptable means the results will be slower but steady.

    Many athletes local as well as foreign became champions by using illegal drugs during past few years. This included even a 200m gold medal winner in Olympics. When everything was revealed they not only lost their medals but good names as well. They could have achieved the same targets had they practiced and improved their talent.

    I believe it is this urgency that make people follow improper means.

  3. Dinuka says:

    මාර්ගය යහපත් ලෙස අර්ථදැක්වීම සාපේක්ෂයි එය සෑම විටම ආයතනක වර්ථමාන තත්වය මත රදා පවතින බැවින් සහ ආයතනයේ වියාපාරය ස්වභාවය මත දෝලනය විය හැක

    • ඔබගේ මැදිහත් වීම ගැන ස්තුතියි. ඔබේ මතය පුංචි උදාහරණයක් ඇසුරෙන් විස්තර කළ හැකි නම් තවත් අගෙයි. එවිට අපට ප්‍රයෝජනවත් සංවාදයක් මේ සම්බන්ධයෙන් ඇති කළ හැකි යි.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s